அண்ணன்-தங்கை பாசத்தை மையபடுத்தி வரும் தமிழ் படங்கள் பல ,
அதில் சில மணிமகுடமாக தமிழ் சினிமாவை அலங்கரிக்கும். அப்படி அலங்கரித்தாரா நம் அண்ணாத்த.
எந்த எதிரிபார்ப்பும் இல்லாமல் சென்றதால் என்னவோ, ஏமாற்றம் அவ்வளவாக இல்லை. கதையின் நாயகன் காளையன் ஊரில் பெரிய தலைகட்டு, தாய் இல்லா தங்கையை வளர்க்கிறார் தாயாகவும் ,தந்தையாகவும். ஊரே மெச்சும் கல்யாணம் செய்ய துடிக்கிறார், அவரின் கனவு என்னவானது ?
அடி, தடி, ஆட்டம், பாட்டம், சிரிப்பு என காளையன் அதகளப்படுத்துகிறார் முதல் பாதியில்.
பாசத்தை வெளிக்காட்டும் இடங்களில் நடிப்பில் மிளிர்கிறார் ரஜினி.
முதல் பாதியில் வில்லனாக தன் பங்கை நிறைவாக செய்கிறார் பிரகாஷ் ராஜ்.
வசனங்கள் சில இடங்களில் உச்சு கொட்ட வைத்தாலும் பல இடங்களில் கூர்மையாக உள்ளது.
நியாயமும்,தைரியமும் இருந்தால் அந்த சாமியே பெண்ணுக்கு உதவுவார் என்கிறார் ரஜினி.
கூறுவது ரஜினி என்பதாளா என்னவோ பெண்களுக்கு நம்பிக்கை கொடுக்கிறது.
சூரி,குஷ்பு, மீனா , பாண்டியராஜன்,லிவிங்ஷ்டன் சத்யன், என அனைவரும் ரஜினியோடு வருவதால் சற்று சிரிக்கவும் வைக்கின்றனர்.வழக்கமான தமிழ் சினிமா கதாநாயகியாக அல்லாமல் கதையின் நாயகியாகவும் இரண்டாம் பாதி முழுவதும் வலம் வருகிறார் நயன் தாரா.
"சார சார " பாட்டு முணுமுணுக்க வைக்கிறது.
கீர்த்தி சுரேஷ் முதல் பாதி சிரித்தும், இரண்டாம் பாதி அழுதும் ஸ்கோர் செய்கிறார். நடிப்பில்.
இரண்டாம் பாதி முழுவதும் சண்டை காட்சிகள் வில்லன்கள் பலம் வேண்டும் தான் அதற்காக இவ்வளவு பலமா ? எவ்ளோ சண்டை காட்சிகள்.. காது கிழிகிறது.. இறுதியில் வில்லன்களை வதம் செய்து தங்கை கண்ணில் ஆனந்த கண்ணீர் வரவைக்கிறார் நம்ம அண்ணத்த.
தங்கை நினைக்கையில் அண்ணன் அருகில் இருப்பது போன்ற காட்சிகள் அழகிய
" ஹைகூ ".
இயக்குனர் சிவா விடமிருந்து இது போன்ற படங்கள் தான் கிடைக்கும், உலக சினிமாவை ரசிக்கும் ரசிகர்கள் ஒதுங்கி கொள்ளவும் உங்களுங்கான படம் இதுவல்ல.
ரஜினி யை பிடித்தவர்களுக்கு இந்த படம் கண்டிப்பாக பிடிக்கும். குடும்பத்துடன் காணலாம் .
முதல் பாதி - Class
இரண்டாம் பாதி - Mass
A சென்டரை விட B & C சென்டர்களில் கலக்குவார் இந்த அண்ணாத்த.
கொசுறு : பாடம் பார்த்து விட்டு வெளியே வருகையில் குட்டி பையன் ஒருவன் நானும் என் தங்கையை அண்ணாத்த மாதிரி பார்த்துக்கொள்வேன் என்கிறான்.
இவண்
ராஜா.க
#Annaatthe #Rajini #Sun #Nayanthara
