தமிழகத்தின் பெருமை: பிள்ளையார்பட்டி கற்பகவிநாயகர் கோயில்
தமிழ்நாட்டில் சிவன், பெருமாள், சுப்பிரமணிய சுவாமி போன்ற தெய்வங்களுக்கு பல பிரபலமான கோயில்கள் உள்ளன. ஆனால், விநாயகருக்கே பிரத்யேகமாக உள்ள கோயில்களில் மிக முக்கியமானது காரைக்குடி அருகிலுள்ள பிள்ளையார்பட்டி கற்பகவிநாயகர் கோயில்.
சமீபத்தில் பிள்ளையார்பட்டியை முதன்முதலாக சென்றேன், என் மனம் வியப்பிலும் மகிழ்ச்சியிலும் மூழ்கியது.
ஒரு ஆலயத்தின் மகத்துவம் அதன் தூய்மையில் இருக்கிறது என்ற உத்தியை பிள்ளையார்பட்டி கோயில் முற்றிலும் பின்பற்றுகிறது. கோயில் வளாகம், தெப்பக்குளம், பயணிகள் நடந்து செல்லும் பகுதி அனைத்தும் மிக சுத்தமாக பராமரிக்கப்பட்டிருந்தது. கூட்ட நெரிசலை தவிர்க்க பயணிகள் நிழலில் செல்லும் வகையில் சிறப்பான ஏற்பாடுகள் செய்யப்பட்டிருந்தது.
கோயிலினுள் சென்றபோது விநாயகரை தரிசிக்க அருகே செல்ல, "வாங்க, வாங்க, முன்னால் வந்து பாருங்கள்" என பணிவுடன் அழைத்தனர். இது எனக்கு மிகவும் புதிய அனுபவமாக இருந்தது.
இங்கு கட்டண தரிசனம் இல்லை என்பதை அறிந்ததும் கோயிலின் மேலான பக்தி அணுகுமுறை என் மனதை நெகிழ வைத்தது. இந்த கோயிலை நகரத்தார் பாராமரிக்கிறார்கள் என்பதால், கோயிலின் அமைப்பு மற்றும் தூய்மை சிறப்பாக இருப்பதை தெளிவாகக் காட்டுகிறது.
பிள்ளையார்பட்டியின் அருகிலுள்ள சிவன் கோயிலும் சென்று தரிசித்தேன். அந்த கோயிலும் அசாதாரணமாக சுத்தமாக பராமரிக்கப்பட்டிருந்தது. அறநிலைய துறையின் கட்டுப்பாட்டில் உள்ள கோயில்களை விட இங்கு தரமான பராமரிப்பு நடைபெறுகிறது என்பதை ஒப்புக்கொள்ள வேண்டும்.
தயவுசெய்து நீங்கள் இந்த பிரசித்தி பெற்ற கற்பகவிநாயகர் கோயிலுக்கு செல்லுங்கள். உங்கள் ஆன்மீக ஆனந்தத்தை பூர்த்தி செய்யுங்கள்.
#பிள்ளையார்பட்டி #கற்பகவிநாயகர் #தூய்மையானகோயில்கள் #தமிழகஆலயங்கள்
